ആധാർ-റേഷൻകാർഡ് ബന്ധിപ്പിക്കൽ: സമയം ഒക്ടോബർ 31-വരെ നീട്ടി

ആലപ്പുഴ: ആധാറും റേഷൻകാർഡും ബന്ധിപ്പിക്കാനുള്ള സമയം ഒക്ടോബർ 31-വരെ നീട്ടി. സംസ്ഥാനത്ത് 35 ലക്ഷത്തോളം പേർ ഇനിയും ആധാറും റേഷൻകാർഡും ബന്ധിപ്പിക്കാനുണ്ടെന്നാണ് കണക്ക്. ഇവർക്ക് അവസരം നൽകാനാണ് തീയതി നീട്ടിയത്. സെപ്റ്റംബർ 30-വരെയാണ് ആധാർ ബന്ധിപ്പിക്കാൻ കേന്ദ്രം അനുവദിച്ചിരുന്ന സമയം. എന്നാൽ, സംസ്ഥാനത്ത് കിടപ്പുരോഗികൾ ഉൾപ്പെടെയുള്ളവർക്ക് ആധാർ ബന്ധിപ്പിക്കാനായിട്ടില്ല. തിങ്കളാഴ്ച റേഷൻകടകൾ, അക്ഷയകേന്ദ്രങ്ങൾ, താലൂക്ക് സപ്ലൈ ഓഫീസുകൾ എന്നിവിടങ്ങളിൽ ആധാർ-ബന്ധിപ്പിക്കാൻ വൻതിരക്കാണ് അനുഭവപ്പെട്ടത്. ആളുകൾ കൂട്ടത്തോടെ എത്തിയത് സെർവർ തകരാറിനും ഇടയാക്കി. ആധാർ ബന്ധിപ്പിച്ചില്ലെങ്കിൽ റേഷൻ മുടങ്ങില്ലെന്ന് ഇതിനിടെ സിവിൽ സപ്ലൈസ് വകുപ്പ് വ്യക്തമാക്കിയിട്ടുണ്ട്. മറ്റു സംസ്ഥാനങ്ങളെ അപേക്ഷിച്ച് ആധാർ ബന്ധിപ്പിക്കുന്നതിൽ കേരളം മുന്നിലാണ്. content highlights:aadhaar card-ration card linking deadline extended

from mathrubhumi.latestnews.rssfeed https://ift.tt/2nXlzHk
via IFTTT