രാജ്യത്തെ ആരുടെയും മുന്നില് തലകുനിക്കാന് അനുവദിക്കില്ലെന്ന് പ്രധാനമന്ത്രി നരേന്ദ്ര മോദി. ഇന്ത്യ സുരക്ഷിത കരങ്ങളിലാണെന്നും ഇന്ത്യയെ ശിഥിലമാക്കാന് ആരെയും അനുവദിക്കില്ലെന്ന് അദേഹം പറഞ്ഞു. പുല്വാമയ്ക്ക് പകരമായി പാകിസ്ഥാനില് ഇന്ത്യ നടത്തിയ വ്യോമാക്രമണത്തിന് ശേഷം രാജസ്ഥാനിലാണ് പ്രധാനമന്ത്രി ആദ്യ പ്രതികരണം നടത്തിയത്.
പുല്വാമ ഭീകരാക്രമണത്തിന് ശക്തമായ മറുപടി നല്കിയെന്ന് സ്ഥിരീകരിച്ച് ഇന്ത്യ. ഭീകരരെ മാത്രം ലക്ഷ്യമിട്ടാണ് ആക്രമണം നടത്തിയതെന്ന് വിദേശകാര്യ സെക്രട്ടറി പത്രസമ്മേളനത്തില് പറഞ്ഞു. പുലര്ച്ചെ മൂന്ന് മണിക്കാണ് പാകിസ്ഥാനില് ആക്രമണം നടത്തിയത്. ഭീകരര്ക്കെതിരെ നടപടി എടുക്കണമെന്ന് നിരവധി തവണ ആവശ്യപ്പെട്ടിരുന്നു. എന്നാല് നടപടി എടുക്കാന് പാകിസ്ഥാന് തയ്യാറായില്ല. ആക്രമണം നടത്തിയത് ജയ്ഷെ മുഹമ്മദിനെ മാത്രം ലക്ഷ്യമിട്ടാണ് വിദേശകാര്യ സെക്രട്ടറി വിജയ് ഗോഖല വ്യക്തമാക്കി.
പാക് അധീന കശ്മീരിലെ ഭീകരരുടെ താവളം ആക്രമിച്ചാണ് ഇന്ത്യ തിരിച്ചടിച്ചത്. പുലര്ച്ചെ 3.30നാണ് ഇന്ത്യന് വ്യോമസേന ആക്രമണം നടത്തിയത്. ഭീകരതാവളം പൂര്ണമായി തകര്ത്തുവെന്നാണ് റിപ്പോര്ട്ട്. 12 മിറാഷ് യുദ്ധവിമാനങ്ങളാണ് ദൗത്യത്തില് പങ്കെടുത്തത്. ആക്രമിച്ചതില് ബാലാകോട്ടിലെ ജയ്ഷെ മുഹമ്മദ് താവളവുണ്ടെന്ന് സൂചന. 1000 കിലോ സ്ഫോടകവസ്തുവാണ് ഭീകരതാവളങ്ങളില് ഇന്ത്യ വര്ഷിച്ചത്. ഇരുനൂറില് അധികം ഭീകരെ വധിച്ചുവെന്നാണ് പുറത്തു വരുന്ന റിപ്പോര്ട്ട്.
അതേസമയം, വ്യോമാക്രമണത്തിന്റെ ചിത്രങ്ങള് പാകിസ്ഥാന് പുറത്തുവിട്ടു. പുലര്ച്ചെ നാലു മണിക്ക് മുസാഫറാബാദിലെ നിയന്ത്രണരേഖയില് വ്യോമസേനാ വിമാനങ്ങള് അതിര്ത്തി ലംഘിച്ചെന്നാണ് പാക് അധികൃതര് പറയുന്നത്. പാക് കരസേനാ വക്താവ് മേജര് ആസിഫ് ഗഫൂര് ട്വിറ്ററിലൂടെയാണ് ആരോപണം ഉന്നയിച്ചത്. തിരിച്ചടി തുടങ്ങിയതോടെ വിമാനങ്ങള് തിരിച്ചു പറന്നെന്നും പാകിസ്ഥാന് വക്താവ് ട്വിറ്ററിലൂടെ അവകാശപ്പെട്ടു.
തിരിച്ചു പോകുമ്പോള് ഇന്ത്യന് വിമാനത്തില് നിന്ന് സ്ഫോടക വസ്തുക്കള് താഴെ വീണു. പാകിസ്ഥാനിലെ ബലാകോട്ടിലാണ് സ്ഫോടക വസ്തുക്കള് വീണത്. എന്നാല്, ആളപായമോ നാശനഷ്ടങ്ങളോ സംഭവിച്ചിട്ടില്ലെന്നും പാക് അധികൃതര് പറയുന്നു
from Southlive Malayalam: Kerala News, Malayalam News, Breaking News, Movie News, Political News https://ift.tt/2ThwZmZ
via IFTTT
No comments:
Post a Comment