ഈദുല്‍ ഫിത്വര്‍: യു.എ.ഇയില്‍ ഏഴ് ദിവസത്തെ അവധി

ദുബായ്: ഈദുൽ ഫിത്വറിന് യു.എ.ഇയിൽ ഏഴു ദിവസത്തെ അവധി. സർക്കാർ മേഖലയിൽ ഉള്ളവർക്കാണ് ഏഴു ദിവസത്തെ അവധി കിട്ടുക . ജൂണ് രണ്ടിന് അവധി തുടങ്ങും. പ്രസിഡന്റ് ശൈയിഖ് ഖലീഫ ബിൻ സായിദ് അൽ നഹ്യാന്റെ നിർദേശം അനുസരിച്ച് യു.എ.ഇ മന്ത്രിസഭയാണ് പൊതുമേഖലയുടെ അവധി ദിവസങ്ങൾ പ്രഖ്യാപിച്ചത്. അവധിക്ക് ശേഷം സർക്കാർ ഓഫീസുകൾ ജൂൺ ഒൻപതിന് മാത്രമേ തുറന്നു പ്രവർത്തിക്കൂ. മേയ് 31 വെള്ളി, ജൂൺ ഒന്ന് ശനി എന്നീ ദിവസങ്ങളിലെ അവധി കൂടി പരിഗണിച്ചാൽ പൊതുമേഖലയ്ക്ക് തുടർച്ചയായ ഒൻപത് ദിവസം അവധി കിട്ടും. സ്വകാര്യ മേഖലയുടെ അവധി സംബന്ധിച്ച വിവരങ്ങൾ പുറത്തുവിട്ടിട്ടില്ല. പൊതുമേഖലയ്ക്കും സ്വകാര്യ മേഖലയ്ക്കും അവധി ദിവസങ്ങൾ ഏകീകരിച്ചുകൊണ്ട് യു.എ.ഇ ഭരണ കൂടം നേരത്തെ ഉത്തരവിറക്കിയിരുന്നു. അതിനാൽ ഈദുൽ ഫിത്വറിന് സ്വകാര്യ മേഖലയ്ക്കും ഏഴു ദിവസത്തെ അവധി കിട്ടുമെന്നാണ് കരുതപ്പെടുന്നത്. ജൂൺ അഞ്ചിനാണ് ഈദുൽ ഫിത്വർ പ്രതീക്ഷിക്കുന്നത്. Content highlights:Eid Al Fitr, UAE Public sector, week off

from mathrubhumi.latestnews.rssfeed http://bit.ly/2W5epAN
via IFTTT