വടക്കുപടിഞ്ഞാറൻ പാക്കിസ്ഥാനിലെ 100 വർഷം പഴക്കമുള്ള നവീകരിച്ച മഹാരാജ പരമഹൻസ് ജി ക്ഷേത്രത്തിൽ ഇന്ത്യ, യുഎസ്, ഗൾഫ് മേഖലകളിൽ നിന്നുള്ള ഹിന്ദു തീർത്ഥാടകർ ശനിയാഴ്ച പ്രാർത്ഥന നടത്തി. ഒരു തീവ്ര ഇസ്ലാമിക പാർട്ടിയുടെ ആൾക്കൂട്ടം ക്ഷേത്രം തകർത്ത് ഒരു വർഷത്തിന് ശേഷം കനത്ത സുരക്ഷയ്ക്കിടയിലായിരുന്നു പ്രാർത്ഥന.
ഹിന്ദുക്കളുടെ പ്രതിനിധി സംഘത്തിൽ ഇന്ത്യയിൽ നിന്നും 200 ഓളം ഭക്തരും ദുബായിൽ നിന്നും 15 ഉം ബാക്കിയുള്ളവർ യുഎസിൽ നിന്നും മറ്റ് ഗൾഫ് രാജ്യങ്ങളിൽ നിന്നുമുള്ളവരാണ്.
ഖൈബർ പഖ്തൂൺഖ്വയിലെ കരക് ജില്ലയിലെ തേരി ഗ്രാമത്തിലെ പരംഹൻസ് ജിയുടെ ക്ഷേത്രവും ‘സമാധിയും’ 2020-ൽ രോഷാകുലരായ ജനക്കൂട്ടം തകർത്തതിനെത്തുടർന്ന് കഴിഞ്ഞ വർഷം വിപുലമായ അറ്റകുറ്റപ്പണികൾക്ക് വിധേയമായി. ക്ഷേത്രത്തിന്റെ തകർക്കൽ ആഗോളതലത്തിൽ അപലപിക്കപ്പെട്ടിരുന്നു.
ഇന്ത്യൻ തീർഥാടകർ ലാഹോറിനടുത്തുള്ള വാഗാ അതിർത്തിയിലൂടെയാണ് പാകിസ്ഥാനിൽ എത്തിയത്, തുടർന്ന് ആയുധധാരികളായ ഉദ്യോഗസ്ഥരുടെ അകമ്പടിയോടെ ക്ഷേത്രത്തിലേക്ക് പോയി. വിമാനക്കമ്പനിയായ പാകിസ്ഥാൻ ഇന്റർനാഷണൽ എയർലൈൻസുമായി സഹകരിച്ച് പാകിസ്ഥാൻ ഹിന്ദു കൗൺസിലാണ് പരിപാടി സംഘടിപ്പിച്ചിരിക്കുന്നത്.
ക്ഷേത്രത്തിനും തെരി ഗ്രാമത്തിനും സൂപ്രണ്ട് ഓഫ് പോലീസ് റാങ്കിലുള്ള ഓഫീസറുടെ നേതൃത്വത്തിൽ റേഞ്ചേഴ്സ്,, ഇന്റലിജൻസ്, എയർപോർട്ട് സെക്യൂരിറ്റി ഫോഴ്സ് എന്നിവയിൽ നിന്നുള്ള 600 പേരുടെ സഹായത്തോടെ കാവൽ ഏർപ്പെടുത്തിയിട്ടുണ്ട്. ചടങ്ങുകൾ ഞായറാഴ്ച ഉച്ചവരെ നീണ്ടുനിൽക്കുമെന്ന് ഹിന്ദു കൗൺസിൽ അധികൃതർ അറിയിച്ചു.
‘ഹുജ്റാസ്’ അല്ലെങ്കിൽ ഓപ്പൺ എയർ റിസപ്ഷൻ റൂമുകൾ തീർഥാടകർക്കുള്ള അഭയകേന്ദ്രങ്ങളാക്കി മാറ്റി. 1919-ൽ തേരി ഗ്രാമത്തിൽ വച്ചാണ് മഹാരാജ് പരമഹൻസ് ജി മരിച്ചത്.
ജാമിയത്ത് ഉലമ-ഇ-ഇസ്ലാം-ഫസൽ (ജെയുഐ-എഫ്) ന്റെ ചില അംഗങ്ങൾ 2020 ഡിസംബർ 30-ന് ‘സമാധി’ നശിപ്പിച്ചിരുന്നു. 1997-ലും ക്ഷേത്രം തകർക്കപ്പെട്ടു. ജെയുഐ-എഫ് സംഘത്തിൽ നിന്ന് 3.3 കോടി രൂപ കണ്ടെടുത്തതിന് ശേഷമാണ് പ്രവിശ്യാ സർക്കാർ ഇത് നവീകരിച്ചത്.
from Southlive https://ift.tt/3sQAAtU
via IFTTT
No comments:
Post a Comment